ޕެސިފިކް ކަނޑުގައި މިހާރު އުފެދިފައިވާ އާދަޔާ ހިލާފަށް ބާރުަގަދަ އެލްނީނޯގެ ސަބަބުން ދުނިޔެ ހޫނުވެ، އެކަމުގެ ސަބަބުން މަރުވާ މީހުންގެ އަދަދު 450،000 އަށް އަރާނެ ކަމަށް ސައިންސްވެރިންގެ ބަޔަކު ލަފާކޮށްފި އެވެ.

އެެމެރިކާގެ ޔުނިވާސިޓީ އޮފް ޗިކާގޯގެ 'ކްލައިމެޓް އިމްޕެކްޓް ލެބް' އިން އިއްޔެ ޝާއިއުކުރި ދިރާސާ ރިޕޯޓެއްގައި ވާ ގޮތުން، އެލްނީނޯގެ ސަބަބުން އާދަޔާ ހިލާފަށް ހޫނުގަދަވުމުގެ މައްސަލަ އަންނަ އަހަރުގެ ފެބްރުއަރީއާ ހިސާބަށް އޮންނާނެ ކަމަށް ލަފާކުރެވެ އެވެ. މި މުއްދަތުގައި އެއްގަމުގެ ފިނިހޫނުމިން 1.2 ޑިގްރީ ސެލްސިއަސް އަށް މައްޗަށް ދާނެ ކަަމަށާއި ހޫނު ދުވަަސްތައް އެހެން އަހަރުތަކަށް ވުރެ 44 ޕަސެޓް އިތުރުވާނެ ކަމަށް ވެސް އެ ރިޕޯޓްގައި ލަފާކޮށްފައިވެ އެވެ.